Ni Cristo ti Simiento ti Iglesia

Hymns

Ni Cristo ti simiento ti Iglesiatayo.
Immay nanipud langit nangsapul kenkuana.
Agparang a kas nobia, nas’bot ti darana.
Nabugguan iti danum ken ti met saona.

Naggapu’t tunggal nasion,tattao immayda.
Maymaysa a pammati, ken pannakayanak
Maymaysa a taraon a naespirituan,
Maymaysa a namnama, ken maysa a nagan.

Adut’ rigat ken bannog, pegpeggad ken gubat.
Amin pagdalananna ngem Isut’ mangabak
Awatennat’ bendisyon ken dakkel a dayaw,
Ragragsak ken ti talna a nailangitan

Ti Dios adda kenkuana a makikallaysa.
Saanna a baybay-an dinanto panawan
O Apo ikkannakam‘ grasia a nawadwad.
Tapno magun-odminto talna dita gloriam.

 

 

Leave a Reply

Your email address will not be published. Required fields are marked *