Ti Ipapatay ni Jesus-uccpako

Adda Mannubbot ti tao
Diay cruz a naranggas

Dakkel ti panagayatna,
Natay gapu kaniak, natay gapu kaniak.

Dagiti tao naulpit,
Lawlawenda ti  cruz

Ket abbaienda ni Jesus,
Nupay ingget singpet, nupay ingget singpet.

Denggem ti dawat ni Cristo;
Pakawanem ida;

Aramiddat’ dida ammo
Cristot’ patayenda, Cristot’ patayenda.

Daytoy daga aggingined,
Ti init agsipnget

Kudrepanna ti rupana,
Madi nga agbuya, madi nga agbuya.

Natungpalen, inna kuna,
“Akkoem toy kararwak.”

Idumogna ti ulona,
Matay ti Dios Anak, matay ti Dios Anak.

Ngem agungartot’ madaras,
Iti Gloria narniag

O Jesusko, di mayebkas,
Ta ngoy-am ken ayat, ta ngoy-am ken ayat.

O Jesusko awatennak,
Idiak basbasolko;

Kaasiannak, ugasannak,
Apo a nadungngo, Apo a nadungngo.