Umsidegak kenka Jesus-uccpako

Umasidegak kenka Jesus,
dita barukongmo agsanggirak,
Yawatmo kadi dayta takiag,
Ket dita pusom aginanaak,
Ket dita pusom aginanaak.

Umasidegak sipapanglaw,
Awan datonko uray aniaman,
No di la basolko a naruay,
Ti ‘yegko Apo tapno ugasam,
Ti ‘yegko Apo tapno ugasam.

Umasidegak Diosko, kenka,
Kinadakesko idiakon ida,
Awanen innak ipangruna,
Ni laeng Jesus a nailansa,
Ni laeng Jesus a nailansa.

Umasidegak dita arpad,
Agingat’ gloria ti maragpatak,
Uray pay aggibusen ‘toy biag,
Kaskasdi la nga umasidegak.
Kaskasdi la nga umasidegak.